KURSAAL ESZENA. Kursaalera joateko autobus zerbitzua Getariatik
Maiatzak 29, igandea (Kursaal Auditorioa, 19:00)
Dantza Konpainia Nazionala “Giselle”
Joaquin de Luz, koreografia
Adolphe-Charles Adam, musika
Dantza Konpainia Nazionalak, espainiar erromantizismoaren ikuspegitik sortutako Giselle balletaren bertsio berri bat aurkezten du. Obra hori ballet klasikoaren gailurretako bat bilakatu duten elementuak baztertu gabe,
Giselle honetan ikusgai izango dira, halaber, escuela bolera deritzona eta espainiar tradizioak, Bécquer-en poesia iturri hartuta.
Datorren maiatzaren 29an, igandean, dantza emanaldia izango da Donostiako Kursaal aretoan. Saiora joan nahi duten getariarrek autobusa doan izango dute. Saioa 19:00etan hasiko da, eta autobusa 17:50ean pasako da autobus geltokitik.
Nork bere sarrera erosi behar du
Kontzertura joan nahi dutenek beren kasa erosi behar dute sarrera Kursaalaren webgunean www.kursaal.eus.
Sarrera erositakoan, autobuseko tokia erreserbatu behar da, infoturismo@gmail.com helbidera idatzita ala 943 14 09 57 telefonora deituta.
Sarrerak hainbat preziotan erosi daitezke, tokiaren arabera.
Ordu Gaztea / Langabetuak
Langabetuek eta 30 urtetik beherakoek 3 euroan erosi ditzakete sarrerak. Horretarako, sarrera (autobuseko tokia bezelaxe) erreserbatu behar dute 943 14 09 57 telefonora deituta. Behin erreserba eginda, kontzertuaren egunean, Kursaaleko leihatilara jo behar dute eta adina (Ordu Gaztea) edo lan-egoera (langabetuak) egiaztatu ondoren, sarrera ordaindu. Lekua leihatilan erabilgarri dauden sarreren araberakoa izango da.
Autobuserako izena emateko azken eguna maiatzak 23a izango da.
