Esperantza animatzera joateko autobus bereziak izango dira Getariatik.

Irailaren 6an eta 13an, Getariatik Donostiara 09:00etan eta 10:30ean

Aurten ere Esperantza Kontxako Banderan izango da, eta herritar ugari Donostiara joango dira trainerua animatzera. Horretarako, Lurraldebusek autobus zerbitzu bereziak eskainiko ditu Getaria eta Donostia artean, UK11 linean.

Getariako alkate Haritz Alberdik herritarrak autobusa erabiltzera animatu ditu, «modu erosoan eta seguruan joan gaitezen».

Mugikortasuneko, Turismoko eta Lurralde Antolaketako diputatu Azahara Domínguezek ere garraio publikoa indartzearen garrantzia azpimarratu du, Kontxako Banderaz «alternatiba eroso, ekonomiko eta iraunkorraz» gozatu ahal izateko.

🚌 Ordutegiak

Zerbitzuak UK11 linean izango dira (Zumaia–Donostia, AP-8tik), eta Getariatik abiatuta Donostiara joango dira: Getaria → Donostia: 09:00 eta 10:30

Ordutegiak Lurraldebusen webgunean edo 900 300 340 telefonoan kontsulta daitezke.