Urriak 16tik 20ra Mendi Astea egingo da
urria / 15, 2024
Mendi Astearen programaren baitan bi hitzordu izango dira herrian datozen asteetan.
Lehenengoa urriak 16, asteazkena, 19:00etan Berdura Plazan izango da. BALTORO oinez eta hegan proiekzioa emango da eta ondoren Mattin Iñiguez Ormazabal eta Jose Ramon Agirre “Marron”ekin solasaldia izango da.
Bigarrena, aldiz, urriak 20an izango da, igandea, 18:30etan Iturzaeta Aretoan. Mendi Film jaialdiko hiru film proiektatuko dira bertan: “Oinez”, “Carne et Ossa” eta “Udalatx, ura eta atxa”.
