GETARIAKO UDALAK HERRIKO OSTALARIEKIN BATERA, IDAZLEENTZAKO SORMEN-EGONALDIAK ANTOLATU DITU 2024 ETA 2025ERAKO

Atzo aurkeztu zen, IDAZLEENTZAKO SORMEN-EGONALDIAK GETARIAN egitasmoa liburutegian.  Getariako Udalak herriko ostatuekin lankindetzan, sormen-egonaldiak egiteko aukera eskainiko diete idazleei. Helburua, euskal idazleek herrian ostatua hartu eta bertan lan egiteko aukera izatea da, euren sormen-lana kontzentratuta eta distraziorik gabe lan egin dezaten.

Honakoak dira parte hartuko duten ostatuak: Saiaz hotela, Epotx-etxea landetxea, Katu kale apartamentuak, San Prudentzio hotela eta Getaria apartamentuak.

1. Nork eska dezake: Euskal idazleek (literaturgileek, kazetariek, gidoilariek…), euskarazko idatzizko sormen lan bat (fikziozkoa edo ez-fikziozkoa) garatzeko.
2. Deialdira aurkezteko epea: Interesa duten idazleek abenduaren 31a baino lehen aurkeztu beharko dute eskabidea.

3. Idazleen betebeharrak:

• Beren lanaren azken emaitzan, egonaldiari aipamena egingo diete, lanaren parte bat non garatu zuten adieraziz.
• Lana kaleratzean, Getarian aurkezpen bat egitera konprometituko dira.

4. Eskatzaileek aurkeztu beharrekoa:

• Idazleak egonaldian landuko duen proiektuaren azalpena eta lanaren garapen/fasea (txosten laburra: 1-2 orrialde).
• Eskatzailearen curriculuma.
• Idazle bakoitzak zein egonaldi interesatzen zaion zehaztu beharko du (eskabide bat baino gehiago egin daiteke, epaimahaiak erabakiko du zein idazleri egokituko zaion egonaldi bakoitza)
• Eskabideak emailez bidaliko dira kultura@getaria.eus edota infoturismo@getaria.eus helbidera, mezuaren gaian “Idazleentzako egonaldiak” jarrita.

5. Hautaketa: Udalak egingo du aurkeztutako-proiektuen arteko hautaketa eta hautaturiko idazleei 2024ko urtarrilean jakinaraziko die. Une horretatik aurrera, ostalariak jarriko dira harremanetan euren etxean ostatu hartuko duen idazlearekin.

6. Epaimahaia eta hautaketa-irizpideak:

Epaimahaia segidako lagunek osatuko dute:

• • Uxue Alberdi (idazlea)
  • Ekaitz Esteban (kultura zinegotzia)
  • Imanol Agirre (GAROA liburu-denda)
  • Marivi Aranguren (udaleko teknikaria)

Hautaketan kontuan hartuko dira:

• • Proiektuaren interesa, bideragarritasuna eta kalitatea
  • Egonaldien erdiak, gutxienez, emakumezko idazleentzat izatea.
  • Urteko hiru egonaldietako bat 35 urtetik beherako idazle batentzat izatea (eskatzaileen artean 35 urtetik beherakorik ez balego, adin horretatik gorakoei emango litzaieke).

Idazleentzako egonaldiak Getarian Izen-ematea eta baldintzak