Getaiko jaietan gaueko autobus-zerbitzua egongo da
240809 Getariako Jaiak gaueko zerbitzu berezia
Jakin badakigu Salbatore jaietan antolatuta dauden hamarnaka ekitaldietara inguruko herritarrak ere hurbildu ohi direla. Gauean ere herrian antolatuta dauden kontzertu eta ikuskisunez gozatzera etortzeko joera dute alboko bizilagun askok. Bada guztien joan-etorria erraztu eta horiek modu seguruan egiteko aurten, lehen aldiz eta Aldundiko mugikortasun departamenduarekin elkarlanean, gauean ere autobus zerbitzua izango da:
Abuztuak 5tik 8ra:
Zumaia – Zarautz
Zarautz – Zumaia
Abuztuak 9, ostirala:
Zumaia – Zarautz
Zarautz – Zumaia
Udaletik eta Aldunditik balorazio hau egin dute Alkateak eta Mugikortasuneko, Turismoko eta Lurralde Antolaketako Diputatuak, hurrenez hurren:
“Aurten jaietan gaueko autobus zerbitzua jarriko da. Lehen aldia izango da eta berri pozgarria da. Jendeak joan-etorri seguruekin herrietako jaietaz gozatzeko bitartekoak jarri behar ditu administrazio publikoak. Eta Udala eta Aldundiko mugikortasun departametuaren arteko elkarlanari esker Getariako jaietan ere gaueko autobus zerbitzua luzatu izanak asko pozten eta lasaitzen nau.”, adierazi du Haritz Alberdi Arrillagak.
“Mugikortasuneko, Turismoko eta Lurralde Antolaketako Departamentutik modu jasangarrian, seguruan eta erosoan hurbildu nahi zaitugu aisialdiko jarduerez gozatzeko. Horregatik, Lurraldebusen gaueko zerbitzuak jarriko ditugu, abuztuaren 5tik 9ra Getariako jaietara hurbildu nahi duten guztiek horretarako aukera izan dezaten. Garraio publikoaren erabilera bultzatu nahi badugu, zerbitzua dagoen eskaerara egokitzen lagundu behar dugu, eta horrela bakarrik lagunduko dugu herritarrek garraio publikoa joan-etorrietarako erabil dezaten”, aditzera eman du Azahara Domínguezek.
