Slider

Berriak

SORBELTZAK hegazti migratzaileentzat 50 kaxa habia jarri dira herriko hainbat tokitan.

Sorbeltzak hegazti migratzaileak dira, enararen antzeko itxurakoak eta gure artean oso ohikoak uda partean. Hauek, euren kabiak egiteko nahiko altuera duten edozein zokogune aprobetxatzen dituzte, tartean gure etxeetako zuloak. Zulo horiek gero eta urriagoak dira; izan ere, eraikinen fatxadak eraberritzen direnean, zulo guztiak estali nahi dira, eta etxe berriak eraikitzen direnean, berriz, ez da zulo bat bera ere irekita utzi nahi; beraz, sorbeltzak, pixkanaka-pixkanaka, habiak egiteko tokirik gabe geratzen ari dira.

GETARIA EREMU GORRIAN SARTU DA

Haritz Alberdi alkateak jakitera eman du, gaurko egunez, 2021eko apirilaren 19an Getariako udalerria eremu gorrian sartu berri dela. 

Kontuan izanda  Lehendakariaren 16/2021 Dekretua, aurreikusten diren neurrien aplikazioaren eraginpean dauden udalerrien zerrendan Getariako Udalerria eremu gorrian sartu da. Izan ere, Getariak Eusko Jaurlaritzako Osasun Publikoaren eta Adikzioen Zuzendaritzak ezarritako parametro espezifiko baliokideen mugak gainditu ditu eta beraz, GUNE GORRIAN kokatu gara.