2025ko aurrekontuei hasierako onarpena eman dio Udalbatzarrak.

Atzo, asteartea 26, ohiko Osoko Bilkura egin zen Udalean. Bertan bi gai eztabaidatu eta bozkatu ziren:

.1.- 2025ko ekitaldi ekonomikorako aurrekontua guztira 5.564.334€koa izango da. EH Bilduren 6 aldeko bozka onartu ziren, EAJren 5 hautetsiek kontrako bozka eman zuten. Hauek izan dira, besteak beste, onarturiko gastu-partida nagusiak:

• Berdintasunerako iaz baino 6.978€ gehiago, 21.000€ guztira:
  • Berdintasun plana garatzea: 9.000€.
  • Berdintasun ekimenak: 8.000€.
  • Getariako emakumeek historian izandako papera ikertzeko beka: 4.000€.
• Euskara eta kultura:
  • Euskara: Aroa planetik sortutako ekimenetarako 8.500€.
  • Salbatore Deunaren jaiak: 85.000€, iaz baino 20.000€ gehiago.
  • Herri identitatearen hausnarketa-prozeduraren ondorioak gauzatzeko: 10.000€.
  • Izan Arrantzale ekimena, belaunaldi berriak arrantzara hurbiltzeko: 4.000€.
• Hirigintza/Ingurumena/Tokiko garapena:
  • Kiroldegi kanpoko estalpea eraikitzea: 751.000€
  • Argiteriaren berrikuntza lanak: 55.000€.
  • San Anton mendiko biodibertsitatean oinarritutako kartel informatiboak: 15.000€.
  • Haur parkeen eraberritzea: 40.000€.
  • Auzo eta herri bideak nahiz seinaletika eguneratu eta berritzea: 46.000€ (iaz 20.000€).
  • Santanapeko bidea zabaltzeko proiektua idaztea: 18.150€.
  • Etxebizitzen egoeraren azterketa orokorra: 18.150€.
  • Herrerieta eta Balentziaga kaleak lotzeko igogailu publikoaren proiektua idaztea: 33.000€.
  • Hirigintza Antolaketarako Plan Orokorraren idazketa: 50.000€.
  • Hondartzako zaintza eta sorospen zerbitzua: 172.000€.
  • Portuko eremuko jarduerak: 350.000€ (magalak amaitu, argiteria, pintaketak…).
  • Aldamar parkeko inpermeabilizazio lanak: 30.000€.
• Gazteria:
  • Espazio autogestionatua: 224.050€.
  • Gazteentzat alokairua: 9.000€
• Gizarte-ongizate:
  • Gizarte Beharrizan Laguntzak (AES): 50.000€
  • Arreta psikologiakoak, arriskuan dauden familiei atentzioa: 32.000€
  • Udal laguntza: 10:000€
  • Larritasun kasu bereziak: 2.450€
• Hezkuntza:
  • Musika eskola: 18.000€ (langileen baldintzen eguneratzea eta instalakuntzen berrikuntzak).
  • Eskolako berrikuntza lanak: 10.000€

Gipuzkoako Aldizkari Ofizialean (GAO) argitaratzen denetik 15 lan-egun egongo dira ekarpenak egiteko.

2.- Ibilgailuentzako aparkalekuen Getariako Udal ordenantzen aldaketari egindako ekarpenak. Aho batez onartu ziren:

• Malkorbera doan bidearen hasieran 4 aparkaleku egoliar bihurtzea.
• Jarduera profesionaletarako (ez ostalaritza, komertzio, museo etab.) zerbitzuaren identifikazio-txartelak ezartzea, jarduera bakoitzeko gehienez 3, ordu eta erdiko gehieneko iraupenarekin, beti jarduera profesionalaren ordutegian, eta 30€ko kostuarekin urteko eta txartel bakoitzeko.

Hemen aurki daiteke aparkalekuen udal ordenantzaren behin-betiko testua.